ஐ.சி.சி தரவரிசையில் ஷேவாக் சரிவு

ஐ.சி.சி. வெளியிட்டுள்ள ஒரு நாள் போட்டி பேட்ஸ்மேன்களின் புதிய தரவரிசை பட்டியலில் இந்திய வீரர் ஷேவாக் 18 வது இடத்திற்கு தள்ளப்பட்டுள்ளார்.

முத்தரப்பு தொடரில் சொதப்பி வருவதால் அவர் 4 இடங்கள் சரிந்துள்ளார். இரண்டு ஆட்டங்களில் 90 களில் ஆட்டம் இழந்த கவுதம் கம்பீர் 4 இடங்கள் முன்னேறி 15 வது இடத்தை பிடித்துள்ளார்.

தொடர்ந்து சீரான ஆட்டத்தை வெளிப்படுத்தி வரும் விராட் கோக்லி 3 வது இடத்திலும், டோனி 4 வது இடத்திலும் உள்ளனர். தெண்டுல்கர் 28 வது இடம் வகிக்கிறார். தென்ஆப்பிரிக்க வீரர்கள் ஆம்லா, டிவில்லியர்ஸ் முறையே முதல் இரு இடங்களில் தொடர்ந்து நீடிக்கிறார்கள்.

பந்து வீச்சாளர் தரவரிசையில் டாப் 20 இடத்திற்குள் இந்திய தரப்பில் ஒரே ஒரு வீரர் மட்டுமே உள்ளார். 3 இடங்கள் ஏற்றம் கண்டுள்ள தமிழக சுழற்பந்து வீச்சாளர் அஸ்வின் 11 வது இடம் வகிக்கிறார். ஜாகீர்கான் 2 இடம் குறைந்து 30 இடத்திற்கு பின்தங்கியுள்ளார்.