டெஸ்ட் தரவரிசையில் இந்திய அணிக்கு சரிவு!

சர்வதேச கிரிக்கெட் கவுன்சில் (ஐ.சி.சி.) வெளியிட்டுள்ள டெஸ்ட் அணிகளின் புதிய தரவரிசை பட்டியலில் இ‌ந்‌தியா 5வது இட‌த்து‌க்கு த‌ள்ள‌ப்ப‌ட்டு‌ள்ளது.

இங்கிலாந்து 122 புள்ளிகளுடன் தொடர்ந்து முதலிடத்தில் நீடிக்கிறது. இதுவரை 4வது இடத்தில் இருந்த இந்திய அணி (104 புள்ளி) 5வது இடத்திற்கு சரிந்துள்ளது. இந்திய அணி டெஸ்ட் போட்டிகளில் விளையாடி 6 மாதங்கள் ஆகி விட்டது குறிப்பிடத்தக்கது.

அதே சமயம் இலங்கைக்கு எதிரான 3 போட்டி கொண்ட தொடரை 0-1 என்ற கணக்கில் இழந்த போதிலும் பாகிஸ்தான் (109 புள்ளி) அணி ஒரு இடம் முன்னேறி 4வது இடத்தை பிடித்துள்ளது.

ஆஸ்‌ட்ரேலியா 116 புள்ளிகளுடன் 2வது இடத்திலும், தென்ஆப்பிரிக்கா 113 புள்ளிகளுடன் 3வது இடத்திலும், இலங்கை அணி 98 புள்ளிகளுடன் 6வது இடத்திலும் உள்ளன.

வரு‌ம் 19ஆ‌ம் தேதி தொடங்கும் இங்கிலாந்துக்கு எதிரான 3 டெஸ்ட் கொண்ட தொடரை தென் ஆப்பிரிக்கா கைப்பற்றினால் அந்த அணி முதலிடத்தை பிடிக்கலாம்.