ஐ.சி.சி. ஒரு நாள் போட்டி அணிகளின் தரவரிசையில் இந்தியாவுக்கு சரிவு

சர்வதேச கிரிக்கெட் கவுன்சிலின் (ஐ.சி.சி.) ஒரு நாள் போட்டி அணிகளின் தரவரிசையில் உலக சாம்பியன் இந்திய அணி 2 வது இடத்தில் இருந்து 3 வது இடத்திற்கு தள்ளப்பட்டுள்ளது.

முத்தரப்பு தொடருக்கு முன்பாக 2 வது இடம் வகித்த இந்தியா, அந்த தொடரில் 8 லீக்கில் வெறும் 3 ஆட்டங்களில் மட்டுமே வெற்றி பெற்றதால் இந்த சரிவு ஏற்பட்டிருக்கிறது.

ஆஸ்திரேலியா முதலிடத்தை தக்க வைத்துக் கொண்டாலும், அதன் புள்ளி எண்ணிக்கை மூன்று குறைந்து 127 ஆக உள்ளது. தென்ஆப்பிரிக்கா 118 புள்ளிகளுடன் 2 வது இடத்திலும், இந்தியா 117 புள்ளிகளுடன் 3 வது இடத்திலும் இருக்கின்றன.