அவுஸ்திரேலிய அணியின் புதிய கேப்டன் கிளார்க்?

ஆஸ்திரேலிய அணியில் இருந்து அணித் தலைவர் ரிக்கி பான்டிங்கை நீக்கியதாலும், அவர் ஒரு நாள் போட்டிகளில் இருந்து ஓய்வு பெறுவதாக முடிவெடுத்துள்ளதாலும், ஆஸ்திரேலிய அணித் தலைவர் பொறுப்பை மைக்கேல் கிளார்க் ஏற்க உள்ளார்.

இது முழுக்க முழுக்க அணித் தேர்வு வாரியத்தின் முடிவாகும். இதனால் எனக்கும், ரிக்கி பான்டிங்கிற்கும் உள்ள உறவு நிச்சயம் பாதிக்காது என்ற நம்பிக்கையில், அணித் தேர்வுக் குழுவின் முடிவை நான் ஏற்றுக் கொள்கிறேன் என மைக்கேல் கிளார்க் கூறியுள்ளார்.

ஆஸ்திரேலிய கிரிக்கெட் அணியை 2015ம் ஆண்டு உலகக் கோப்பைக்காக தயார் படுத்துவதாகக் கூறும் அணித் தேர்வுக் குழுவின் ஆலோசனையை நானும் ஏற்றுக் கொள்கிறேன் என்றும் அவர் கூறியுள்ளார்.