மாங்காய் பச்சடி

தேவையான பொருட்கள்:

மாங்காய் -‍ 1 பெரியது
வெல்லம் பொடித்தது ‍- 1/2 கப்
மஞ்சள் தூள் ‍- ஒரு சிட்டிகை
சாம்பார் பொடி -‍ ‍ 1 டீஸ்பூன்
உப்பு ‍- ஒரு சிட்டிகை
நல்லெண்ணெய் ‍- 1 டீஸ்பூன்
கடுகு ‍- 1/2 டீஸ்பூன்
கறிவேப்பிலை ‍- சிறிது

செய்முறை:

மாங்காயை தோல் சீவிவிட்டு, நடுத்தர அளவு துண்டுகளாக சீவிக் கொள்ளவும். ஒரு பாத்திரத்தில் மாங்காய்த் துண்டுகளைப் போட்டு, அத்துடன், சாம்பார் பொடி, மஞ்சள் பொடி, உப்புப் போட்டு, காய் மூழ்கும் அளவிற்கு தண்ணீரைச் சேர்த்து வேக விடவும்.
காய் நன்றாக வெந்தவுடன், ஒரு கரண்டியால் மசித்துக் கொள்ளவும். வெல்லப் பொடியைச் சேர்த்து கொதிக்க விடவும். வெல்லம் நன்றாகக் கரைந்து, காயுடன் சேர்ந்தப்பின், கடுகு, கறிவேப்பிலை தாளித்துக் கொட்டவும்.
சாம்பார் பொடிக்குப் பதில், வெறும் மிளகாய்த்தூளையும் சேர்க்கலாம். வெறும் மிளகாய்த்தூள் சேர்ப்பதானால், அளவை சிறிது குறைத்துக் கொள்ளவும். மேலும், மாங்காயின் புளிப்புத் தன்மைக்கேற்ப, வெல்லத்தை, சிறிது கூட்டியோ, குறைத்தோ சேர்க்கவும்.