நேபாள நாட்டு கிரிக்கெட் தூதராக இந்திய கேப்டன் டோனி!

நேபாள நாட்டு கிரிக்கெட் தூதராக டோனி நியமிக்கப்பட்டிருக்கிறார்.

நேபாள நாட்டு கிரிக்கெட் வளர்ச்சிக்காக 2 நாள் பயணமாக டோனி அங்கு சென்றுள்ளார். காத்மாண்டு அருகே உள்ள கிர்திபுர் கிரிக்கெட் மைதானத்தில் நேபாள வீரர்களை அவர் சந்தித்துப் பேசினார்.

கிரிக்கெட் குறித்த பல்வேறு வழங்கிய டோனி தொடர்ந்து ரசிகர்களை சந்தித்தும் உரையாடினார்.

முன்னதாக காத்மாண்டு விமான நிலையத்தில் செய்தியாளர்களிடம் பேசிய டோனி, படிப்பு மட்டுமின்றி விளையாட்டிலும் இளைஞர்கள் கவனம் செலுத்த வேண்டும். விளையாட்டில் ஈடுபடுவதன் மூலம் தங்கள் நாட்டுக்கு நற்பெயரை சம்பாதித்து கொடுக்க முடியும் என்றார் அவர்.

மேலும் வருங்காலத்தில் நேபாள இளைஞர்கள் பிரபலமான கிரிக்கெட் அணியை உருவாக்குவதை பார்க்க நான் விரும்புகிறேன் என்றும் டோனி தெரிவித்தார்.