டாக்டரானார் பேட்மிண்டன் வீராங்கனை சாய்னா! (படங்கள்)

இந்தியாவின் நட்சத்திர பேட்மிண்டன் வீராங்கனையான சாய்னா நெஹ்வால் சமீபத்தில் முடிந்த லண்டன் ஒலிம்பிக் போட்டியில் வெண்கலப்பதக்கத்தை வென்று அசத்தினார்.
இவருக்கு அலிகாரில் உள்ள மங்களயட்டன் பல்கலைக்கழகம் கவுரவ டாக்டர் பட்டம் வழங்கி கவுரவித்துள்ளது.

இந்த பல்கலைக்கழகம் சாய்னாவுக்கு மட்டுமல்லாது ஒலிம்பிக்கில் பதக்கம் வென்ற சுஷில் குமார், யோகேஷ்வர் தத் (மல்யுத்தம்), விஜயகுமார், ககன் நரங் (துப்பாக்கி சுடுதல்), மேரிகோம் (குத்துச்சண்டை) ஆகியோருக்கு டாக்டர் பட்டம் வழங்கி கவுரவித்துள்ளது.

டாக்டர் பட்டம் குறித்து சாய்னா கூறுகையில், எனது பெற்றோர் என்னை மருத்துவத்துறையில் புகுத்த நினைத்தனர்.

ஆனால் எனது வாழ்க்கை விளையாட்டுத் துறையில் அமைந்து விட்டது என்றும் இந்த டாக்டர் பட்டத்தால் எனது பெற்றோரின் கனவு நிறைவேறி உள்ளது எனவும் மகிழ்ச்சியுடன் தெரிவித்துள்ளார்.