கற்பழிக்கப்பட்ட பெண்ணுக்கு ஆட்டநாயகன் விருதை அர்ப்பணித்த யுவராஜ் சிங்!

yuvaraj_dedicated_victimgirl

இந்திய கிரிக்கெட் அணி நேற்றைய முதல் டி20 போட்டியில் 5 விக்கெட் வித்தியாசத்தில் இங்கிலாந்து அணியை வீழ்த்தியது.
இப்போட்டியில் புற்றுநோயிலிருந்து மீண்டு சில மாதங்களுக்கு முன்பு அணிக்கு திரும்பிய யுவராஜ் சிங் சகலதுறை வீராக அசத்தினார்.

வெற்றிக்கு உறுதுணையாக இருந்த இந்திய அணியின் யுவராஜ் சிங்கிற்கு ஆட்டநாயகன் விருது வழங்கப்பட்டது.

இந்த விருதை யுவராஜ் சிங், இந்திய தலைநகர் புதுடெல்லியில் ஓடும் பஸ்சில் கற்பழிக்கப்பட்ட மாணவிக்கு அர்ப்பணித்தார்.

இது குறித்து மனிதநேயமிக்க யுவராஜ் கூறுகையில், டெல்லியில் மருத்துவ கல்லூரி மாணவி ஒருவர் கொடூரமாக கற்பழிக்கப்பட்ட செய்தியை படித்த போது மனதிற்கு வேதனையாக இருந்தது.

ஆட்ட நாயகன் விருதை அவருக்கும், அவரது பெற்றோர்க்கும் அர்ப்பணிக்கிறேன். இந்த சம்பவத்தை கேள்விப்பட்டு ஒட்டுமொத்த அணியும் கவலை அடைந்தது.

அந்த பெண்ணின் உடல்நிலை தற்போது எப்படி இருக்கிறது என தெரியாது என்றும் ஒட்டுமொத்த இந்தியாவும் அந்த பெண் விரைவில் குணமடைய வேண்டும் என பிரார்த்திக்கும் என்று உறுதியாக நம்புகிறேன் எனவும் கூறினார்.