அசுர வேகத்தில் லம்போர்கினி ஓட்டி அசத்திய யுவராஜ் சிங்! (படம் இணைப்பு)

கிரிக்கெட் வீரர் யுவராஜ் சிங், டெல்லி, நொய்டாவிலுள்ள பார்முலா ஒன் ரேஸ் டிராக்கில் தனது லம்போர்கினி சூப்பர் காரை அசுர வேகத்தில் ஓட்டி வந்து ரசிகர்களை மெய்சிலிர்க்க வைத்துள்ளார்.

இந்திய கிரிக்கெட் அணியின் நம்பிக்கை நட்சத்திரமாக விளங்கிய யுவராஜ் சிங் கடந்த ஆண்டு புற்றுநோயால் பாதிக்கப்பட்டார். அமெரிக்காவில் சிகிச்சை பெற்று நாடு திரும்பிய யுவி தற்போது மீண்டும் பழைய நிலைக்கு திரும்பி வருகிறார்.

கடந்த மாதம் 28ந் தேதி நடந்த புனே வாரியர்ஸ்-டெக்கான் சார்ஜர்ஸ் ஐபிஎல் போட்டியை காண வந்த அவர், போட்டிக்கு முன் பயிற்சியில் ஈடுபட்ட வீரர்களுடன் சேர்ந்து தன் உடல்நிலையை பொருட்படுத்தாமல் சிறிது நேரம் கிரிக்கெட் ஆடினார்.

இது அவரது ரசிகர்களை மட்டுமில்லாமல் அங்கு பயிற்சியில் ஈடுபட்டிருந்த வீரர்களையும் இன்பவெள்ளத்தில் ஆழ்த்தியது. இதேபோன்று, தற்போது நொய்டாவில் உள்ள பார்முலா-1 கார் பந்தய மைதானத்தில் லம்போர்கினி சூப்பர் காரை ஓட்டி அனைவரையும் அசர வைத்துள்ளார் யுவி.