தெலுங்கு சினிமாவில் ஒரு பாடலுக்கு குத்தாட்டம் போடுகிறார் ஜூவாலா கட்டா!

8


இந்தியாவின் பிரபல பேட்மிண்டன் வீராங்கனை ஜூவாலா கட்டா ஒலிம்பிக் போட்டிக்கு பின்பு ஓய்வு எடுத்து வருகிறார்.
இதுவரை பேட்மிண்டன் களத்தில் பார்த்த அவரை இனி சினிமாவிலும் ரசிக்கலாம்.

முதன்முறையாக சினிமாவில் கால்பதித்துள்ள அவர், ‘குந்தே ஜாரி கல்லான்தாயிந்தே’ என்ற தெலுங்கு படத்தில் ஒரு பாடலுக்கு நடனம் ஆடியிருக்கிறார்.

இது குறித்து ஜூவாலா கூறுகையில், நடிகர் நிதினும், அந்த படத்தின் தயாரிப்பாளரும் எனது நெருங்கிய நண்பர்கள். இந்த பாடல் பற்றி அவர்கள் என்னிடம் கூறிய போது தமாஷ் செய்கிறார்கள் என்று நினைத்தேன்.

அந்த பாடலை கேட்ட பின்பு ஏன் அதில் நடிக்கக்கூடாது என்று எண்ணம் வந்து விட்டது. அதனால் ஒப்புக் கொண்டேன்.

எனது காட்சிக்குரிய முதல் நாள் (நேற்று தினம்) படப்பிடிப்பின் போது பதற்றமாக இருந்தது. நிறைய பேர் கூடியிருந்தது எனக்கு உண்மையிலேயே வித்தியாசமான அனுபவமாக இருந்தது.

நடனத்திற்க்காக ஒரு வாரம் ஒத்திகையில் ஈடுபட்டேன். ஆனால், பேட்மிண்டனுக்கு தான் எப்போதும் முன்னுரிமை கொடுப்பேன்.

அது தான் எனது வாழ்க்கை. அதில் இருந்து ஓய்வு பெற்றாலும் கூட பேட்மிண்டனுக்காக தொடர்ந்து உழைத்து கொண்டு இருப்பேன்.

அதே நேரத்தில் புதுமையான எனக்கு ஏதுவான இயக்குனராக இருந்தால் அவருக்கும் என் மீது முழு நம்பிக்கை இருந்தால் அந்த மாதிரியான சினிமாவில் நடிப்பேன்.

சில மாதங்கள் ஓய்வுக்கு பின்பு பேட்மிண்டன் பயிற்சியை தொடங்கி விட்டேன். எனது பலம் மற்றும் உடல்தகுதியில் கவனம் செலுத்தி வருகிறேன்.

காமன்வெல்த் போட்டியில் தங்கப்பதக்கம் வென்றவரான ஜூவாலா கட்டா மகளிர் இரட்டையரில் பிரஜக்தாசவாந்துடன் ஜோடி சேர்ந்து விளையாட இருக்கிறார்.