தெலுங்கு நடிகர் மகேஷ்பாபுவின் மகனும் சினிமாவில் நடிக்கிறார்: குழந்தை நட்சத்திரமாக அறிமுகம்

பிரபல தெலுங்கு நடிகர் மகேஷ் பாபு. இவர் சென்னை லயோலா கல்லூரியில் படித்தவர். தெலுங்கில் நிறைய ஹிட் படங்களில் நடித்து முன்னணி நடிகராக உள்ளார்.

மகேஷ் பாபுவுக்கும் இந்தி மற்றும் தெலுங்கு படங்களில் கதாநாயகியாக நடித்த நம்ரதாவுக்கும் 2005-ல் திருமணம் நடந்தது. இவர்களுக்கு கவுதம் கிருஷ்ணா, காட்டாமனேனி என இரு குழந்தைகள் உள்ளனர்.

இதில் கவுதம் கிருஷ்ணாவை குழந்தை நட்சத்திரமாக சினிமாவில் அறிமுகபடுத்துகிறார் மகேஷ்பாபு. கவுதம் கிருஷ்ணாவுக்கு 7 வயது ஆகிறது. சுகுமார் இயக்கத்தில் மகேஷ்பாபு நடிக்க உள்ள புதுபடத்தில் கவுதம் நடிக்கிறார். இதற்தாக கவுதத்துக்கு நடிப்பு பயிற்சி அளிக்கப்படுகிறது.

மகேஷ் பாபுவும் தனது தந்தையுடன் ‘நேடா’ படத்தில் 1979-ல் குழந்தை நட்சத்திரமாக அறிமுகமாகித்தான் கதாநாயகனாக உயர்ந்தார். அதுபோல் தனது மகனையும் சினிமாவுக்கு கொண்டு வருகிறார். இதுகுறித்து நம்ரதாவிடம் கேட்டபோது இயக்குனரும் தயாரிப்பாளரும் கவுதத்திடம் நடிக்கும்படி பேசி சம்மதிக்க வைக்கும் முயற்சியில் ஈடுபட்டுள்ளனர் என்றார்.