கேரளாவில் கவிதைத் திருவிழா: தமிழகம் சார்பில் நா.முத்துக்குமார் பங்கேற்கிறார்

தென்னிந்திய இளம் கவிஞர்களுக்கான கவிதைத் திருவிழா கேரளாவில் மணப்புரம் மாவட்டம் திரூரில் நடக்கிறது. இதில் தமிழகத்தின் சார்பாக பாடலாசிரியர் நா.முத்துக்குமார் கலந்து கொள்கிறார். இதுகுறித்து அவர் வெளியிட்டுள்ள செய்திக்குறிப்பில் கூறியிருப்பதாவது:-

கேரளாவில் எழுத்தாளம் எம்.டி.வாசுதேவன் நாயர் அவர்களை தலைவராகக் கொண்டு இயங்கும் துஞ்சன் மெமோரியல் டிரஸ்ட் மற்றும் சாகித்ய அகாடமி இணைந்து கேரளாவின் மணப்புரம் மாவட்டம் திரூரில் நடத்தும் தென்னிந்திய இளம் கவிஞர்களுக்கான கவிதைத் திருவிழாவில் தமிழகத்தின் சார்பாக நான் கலந்து கொள்வதில் மகிழ்ச்சி அடைகிறேன்.

தமிழ், தெலுங்கு, மலையாளம், கன்னடம், கொங்குனி என ஒவ்வொரு மொழிக்கும் ஒரு கவிஞர் கலந்து கொள்கிறார்கள். பிப்ரவரி 6 முதல் 10 வரை நடக்கும் இந்த விழாவில் தமிழ்மொழி சார்பாக 10-ந் தேதி காலை ‘என் மொழி என் கவிதை’ என்ற தலைப்பில் உரையாற்றவும், அன்று, பிற்பகலில் என் கவிதைகளில் தேர்ந்தெடுக்கப்பட்ட சிலவற்றை வாசிக்கவும் நான் அழைக்கப்பட்டிருக்கிறேன் என்பதை மகிழ்ச்சியுடன் தெரிவித்துக் கொள்கிறேன்.

இவ்வாறு அதில் குறிப்பிடப்பட்டுள்ளது.