கேழ்வரகு மோர் கூழ்

தேவையான பொருட்கள்...

கேழ்வரகு மாவு - 2 கப்
தண்ணீர் - 2 கப்
மோர் - 2 கப்
உப்பு - தேவைக்கேற்ப
எண்ணெய் - 2 டேபிள் ஸ்பூன்
கடுகு - 1 டீஸ்பூன்
பெருங்காயம் - அரை டீஸ்பூன்
காய்ந்த மிளகாய் - 5
உளுத்தம் பருப்பு - 1 டீஸ்பூன்
பொடியாக நறுக்கிய கொத்தமல்லி - சிறிதளவு

செய்முறை.....

• ராகி மாவை 2 கப் தண்ணீர் விட்டு தோசை மாவு பதத்தை விட சற்று தளர்வாக கரைத்துக்கொள்ளவும்.

• கடாயில் எண்ணெய் விட்டு, கடுகு, பெருங்காயம், உளுத்தம் பருப்பு, காய்ந்த மிளகாய் தாளித்த பிறகு, 1 கப் தண்ணீர் விட்டு கொதிக்க விடவும். கொதி வந்ததும் உப்பு போட்டு பின் கரைத்து வைத்துள்ள மாவைக் கொட்டிக் கைவிடாமல் கிளறவும்.

• கெட்டியானதும், மோர் விட்டு மறுபடி கை விடாமல் கிளரவும்.

• சுருண்டு வந்ததும், அதை எண்ணெய் தடவிய தட்டில் கொட்டி ஆற விடவும்.

• கடைசியாக கொத்தமல்லி தூவிப் பரிமாறவும்.

• கோடை வெயிலுக்கு ஏற்ற, உடல் சூடு தணிக்க கேழ்வரகு மோர் கூழ் சாப்பிடலாம்.