ஒரே படத்தில் 6 ஹீரோயின்கள்

கொச்சி : பெண்கள் பிரச்னையை மையப்படுத்தி மலையாள இயக்குனர் ராஜேஷ் கே. ஆபிரகாம் படம் இயக்குகிறார். ‘ஆறு சுந்தரிகளுடெ கதா’ என்று பெயரிடப்பட்டுள்ள இந்தப் படத்தில் லட்சுமி ராய், பூர்ணா, உமங் ஜெயின், நதியா, ஜரினா வகாப், லேனா ஆகிய ஆறு பேர் ஹீரோயின்களாக நடிக்கிறார்கள். விளையாட்டுத்துறை பின்னணியில் கதை நடக்கிறது. இந்த ஆறு பெண்களும் சமூக வலைத்தளம் மூலம் தொடர்பில் இருக்கிறார்கள்.

அவர்களில் ஒருவர் கொல்லப்படுகிறார். எப்படி, ஏன் என்பது மாதிரியான கதை. இதில் கொலையை துப்பு துலக்கும் போலீஸ் அதிகாரியாக லட்சுமி ராய் நடிக்கிறார். பூர்ணா முக்கியமான ரோலில் நடிக்கிறார். உமங் டென்னிஸ் வீராங்கனையாக நடிக்கிறார். பிரதாப் போத்தன், நரேன் போன்றோரும் நடிக்கிறார்கள். அடுத்த மாதம் ஷூட்டிங் தொடங்குகிறது.