தமிழில் அதிக கவனம்: வினய்

சென்னை: தமிழில் அதிக கவனம் செலுத்த முடிவு செய்துள்ளதாக சொன்னார், வினய். மேலும் அவர் கூறியதாவது: தற்போது, ‘ஒன்பதுல குரு’, ‘என்றென்றும் புன்னகை’, ‘இருவர் உள்ளம்’, ‘செந்தட்டிக்காளை செவத்தக்காளை’ படங்களில் நடிக்கிறேன். இதில் ‘ஒன்பதுல குரு’ காமெடியுடன் கூடிய கமர்சியல் படமாக உருவாகிறது. ‘என்றென்றும் புன்னகை’யில் ஜீவாவுடன் நடிக்கிறேன். ஒரே படத்தில் இரண்டு ஹீரோக்கள் நடிப்பது ரசிகர்களுக்கு புது அனுபவமாகத்தான் இருக்கும். தெலுங்கு, மலையாளத்தில் நடித்து விட்டேன். இனி தமிழில் அதிக கவனம் செலுத்துவேன். அதற்காக சிறந்த கதைகளை எதிர்பார்க்கிறேன்.