கிரிக்கெட் ஊழல் பற்றிய படம்

சென்னை: திருநங்கை ரோஸ் இயக்கி நடிக்கும் படம், ‘கிரிக்கெட் ஸ்கேண்டல்’. கிஷன் ராமச்சந்திரன் ஹீரோ. ரோஸ் ஹீரோயின். அகு அஜ்மல் ஒளிப்பதிவு. தீபன் இசை. படம் பற்றி நிருபர்களிடம் ரோஸ் கூறியதாவது: கிரிக்கெட்டில் நடக்கும் ஊழல்கள், மேட்ச் பிக்சிங் உள்ளிட்ட அண்டர்கிரவுன்ட் வேலைகளையும், திருநங்கைகள் சந்தித்து வரும் பிரச்னைகளையும் பேசும் படம் இது. முன்னணி கிரிக்கெட் வீரர் ஒருவர், கிளப்பில் நடனமாடும் திருநங்கையை காதலிக்கிறார். ஒருவர் பிரச்னையை மற்றவர்கள் புரிந்து கொண்டு அதை எப்படி தீர்க்கிறார்கள் என்பதுதான் கதை. 90 சதவிகித படப்பிடிப்பு முடிந்து விட்டது. இது இந்தியா முழுமைக்கும் உள்ள பிரச்னை என்பதால் ஆங்கிலத்தில் இயக்கி இருக்கிறேன். தமிழ், தெலுங்கில் டப் செய்து வெளியிடுகிறேன்.