சென்னையில் ஜப்பான் பட விழா

சென்னை : ஜப்பான் திரைப்பட விழா வரும் 21,ம் தேதி முதல் 24,ம் தேதி சென்னையில் நடக்கிறது. கோடம்பாக்கத்தில் உள்ள எம்.எம். பிரிவியூ தியேட்டரில் நடக்கும் இப்படவிழாவை, சென்னையில் உள்ள ஜப்பான் துணை தூதரகம் சென்னை பிலிம் சொசைட்டி மற்றும் ஜப்பான் பவுண்டேசன் இணைந்து நடத்துகிறது. ஜப்பான் பட இயக்குனர் கீசுகே கினோஷிடாவின் நூறாவது பிறந்த தினத்தை முன்னிட்டு இப்பட விழா நடக்கிறது.

வரும் 21,ம் தேதி நடக்கும் துவக்க விழாவில் ஜப்பான் துணை தூதர் மாசனோரி நகானோ, நல்லிகுப்புசாமி செட்டியார், இயக்குனர் லட்சுமி ராமகிருஷ்ணன், நடிகை விஜி சந்திரசேகர் உட்பட பலர் கலந்துகொள்கின்றனர். இயக்குனர் கீசுகே கினோஷிடா இயக்கிய, ‘ட்வன்டி ஃபோர் அய்ஸ்’, ‘தி சென்ட் ஆஃப் இன்சென்ஸ்’, ‘தி ஹார்ட் ரிமெம்பர்ஸ்’, ‘ஆர்மி’, ‘இம்மோர்டல் லவ்’, ‘தஸ் அனதர் டே’ ஆகிய படங்கள் திரையிடப்படுகின்றன.