சென்னையில் சர்வதேச திரைப்பட விழா

வருடம்தோறும் நடத்தப்படும் சென்னை சர்வதேச திரைப்பட விழா இந்த வருடம் வருகிற 13 ஆம் தேதி தொடங்குகிறது.

மற்ற மாநிலங்களில் குறிப்பாக நமது பக்கத்து மாநிலமான கேரளாவில் முழுக்க அரசு உதவியுடன் சர்வதேச திரைப்பட விழா நடத்தப்படுகிறது. உலகின் பல நாடுகளிலிருந்துமுள்ள சிறந்த படங்கள் இங்கு திரையிடப்படும். வெர்னர் ஹெர்சான் போன்ற தலைசிறந்த இயக்குனர்கள் கேரள சர்வதேச திரைப்பட விழாவில் விரும்பி கலந்து கொள்வதுண்டு.

ஆனால் நமது சென்னையில் நடக்கும் திரைப்பட விழாவுக்கு அரிதாகவே அரசின் ஆதரவு கிடைக்கும். திமுக ஆட்சி காலத்தில் எஸ்வி சேகரின் முயற்சியில் ஒருமுறை மட்டும் 25 லட்சங்கள் பெற்றுத் தந்தார். அதிமுக ஆட்சியில்...டூ

சென்ற முறை 45 நாடுகளைச் சேர்ந்த 140 திரைப்படங்கள் திரையிடப்பட்டன. இந்தமுறை ஏழு தினங்களில் - அதாவது 13 ஆம் தேதி முதல் 20 ஆம் தேதிவரை 50 நாடுகளைச் சேர்ந்த 150 திரைப்படங்கள் திரையிடப்பட உள்ளது.

காசு கொடுத்தால் டிக்கெட் கிடைக்கும். படங்களைப் பார்த்து பரவசம் கொள்ளுங்கள்.