புதுமுகங்கள் திறமைசாலியாக இருக்கிறார்கள்

சென்னை : ஏ.ஆர்.முருகதாஸின் தம்பி திலீபன், அஞ்சலி நடிக்கும் படம் ‘வத்திக்குச்சி’. பி.கின்ஸ்லின் இயக்கி உள்ள இந்தப் படத்தின் பாடல் மற்றும் டிரைலர் வெளியீட்டு விழா சென்னையில் நடந்தது. விஜய் வெளியிட, கலைப்புலி எஸ்.தாணு பெற்றார். பிறகு இருவரும் சேர்ந்து, ஹீரோ திலீபனை அறிமுகம் செய்தனர். அப்போது விஜய் பேசியதாவது: முருகதாஸ் இயக்கத்தில் ‘துப்பாக்கி’யில் நடித்தது மறக்க முடியாத அனுபவம். அவரது தம்பி திலீபன் ஹீரோவாக அறிமுகமாகிறார்.

டிரைலர், பாடல் காட்சியை பார்க்கும்போது, அவருக்குள் நிறைய திறமை ஒளிந்திருப்பதை அறிந்துகொள்ள முடிகிறது. பல புதுமுகங்களிடம் நிறைய திறமை இருக்கிறது. முருகதாஸ் எந்த விஷயத்தில் ஈடுபட்டாலும் அதை திறம்பட செய்வார். இந்த படமும் பெரிய வெற்றிபெறும். இவ்வாறு விஜய் பேசினார். இசை அமைப்பாளர் ஜிப்ரான், தாஜ்நூர், அறிவுமதி, சம்பத், ரவிமரியா உட்பட பலர் கலந்து கொண்டனர்.