உலகிலேயே சிறந்த நடிகர்கள் தமிழகத்தில்தான் இருக்கிறார்கள்! ஷாரூக்

உலகிலேயே மிகச் சிறந்த நடிகர்கள் தமிழ்நாட்டில்தான் இருக்கிறார்கள் என்று பாலிவுட் நடிகர் ஷாரூக் கான் கூறினார். ஷாரூக் கான் நடித்த `ரா-ஒன் என்ற இந்திப்படம் அதே பெயரில் தமிழில் மொழிமாற்றம் செய்யப்பட்டுள்ளது. இந்த படத்தின் பாடல்கள் வெளியீட்டு விழா சென்னையில் நடந்தது. நிகழ்ச்சியில் ஷாரூக் கான் கலந்து கொண்டு பாடல்களை வெளியிட்டு பேசினார்.

அப்போது அவர் கூறுகையில், “இப்படி ஒரு விழாவில் சென்னையில் நான் கலந்துகொள்வது இதுதான் முதல்முறை. நான் அதிகாலையில் சீக்கிரமாக எழுந்து விடுவேன். அந்த பழக்கத்தை ஏற்படுத்தியவர் டைரக்டர் மணிரத்னம்தான். அவருடைய டைரக்ஷனில், `தில்சே படத்தில் நடித்தபோது, அதிகாலை 5 மணிக்கே எழுப்பி விடுவார். `ஹே ராம் படத்தில், கமல்ஹாசனுடன் நடித்தேன்.

ரஜினி, கமல்ஹாசன் ஆகிய இரண்டு சிங்கங்களுடன் இணைந்து நடித்ததை பெருமையாக கருதுகிறேன். அந்த வகையில், கடவுளின் ஆசீர்வாதம் எனக்கு இருப்பதாக கருதுகிறேன். கமல்ஹாசன் மிகச் சிறந்த நடிகர். அவரிடம் இருந்து நான் நிறைய கற்றுக்கொண்டிருக்கிறேன். அசோகா என்ற படத்தில் அஜீத்துடன் நடித்தேன். அவரும் எனக்கு நல்ல நண்பர்தான். உலகிலேயே மிக சிறந்த நடிகர்களும், தொழில்நுட்ப கலைஞர்களும் தமிழ்நாட்டில்தான் இருக்கிறார்கள், என்றார்.

ரா ஒன் படத்தில் நடிகர் ஷாரூக் கான், சேகர் சுப்பிரமணியம் என்ற தமிழ் இளைஞராக, சாப்ட்வேர் என்ஜினீயர் வேடத்தில் நடித்து இருக்கிறார் என்பது கூடுதல் தகவல்