புதுமுகங்கள் நடிக்கும் படத்தில் 12 பாடல்

புதுமுகங்கள் நடிக்கும் படத்தில் 12 பாடல்கள் இடம்பெறுகிறது. ‘பறவை’ என்ற படத்தை எழுதி, இசை அமைத்து இயக்குவதுடன் நாயகனாக நடிக்கிறார் ராஜேஷ் விஜய். அவர் கூறியதாவது: மரணத்தின் விளிம்பில் இருக்கும் ஒரு பெண், தான் இறந்துவிடுவோம் என்று தெரிந்தும் காதலனை நேசிக்கிறாள். அவனை உயர்த்துவதையே லட்சியமாக கொள்கிறாள். முடிவில் அவளது நிலை என்ன என்பதை உருக்கமாக சொல்கிறது கிளைமாக்ஸ். நண்பர் ஒருவரின் வாழ்வில் நடந்த சம்பவத்தை மையமாக வைத்து கதை அமைக்கப்பட்டுள்ளது.

இதில் அஞ்சனா, ஷில்பா, சாரா, ராஜாமணி உள்ளிட்டோர் நடிக்கின்றனர். ஒளிப்பதிவு ராஜேஷ். கமல், ரஜினி நடித்த ‘நினைத்தாலே இனிக்கும்’ படத்தில் 14 பாடல்கள் இடம்பெற்றது. அதன்பிறகு அதிகபட்சமாக 12 பாடல்கள் இப்படத்தில் இடம்பெறுகிறது. கவிவர்மன், அருண் பாரதி, பத்மாவதி பாடல்கள் எழுதுகின்றனர். திருக்குறள் வரிகளை பயன்படுத்தியும் பாடல் உருவாகி உள்ளது. இப்படத்தின் இறுதிகட்ட பணிகள் நடந்து வருகிறது. இவ்வாறு இயக்குனர் ராஜேஷ் விஜய் கூறினார்.