மிரட்டல் பிரஸ்மீட்

மதுர படத்தை எடுத்த மாதேஷ் நீண்ட இடைவெளிக்குப் பிறகு மிரட்டல் என்ற படத்தை எடுத்திருக்கிறார். படம் பற்றி பேச மாதேஷ், ஹீரோ வினய், ஹீரோயின் ஷர்மிளா கூட்டாக வந்திருந்தனர்.

பிரமாண்ட இயக்குனர் ஷங்க‌ரின் சிஷ்யர் இந்த மாதேஷ். அவருக்கு பிரமாண்ட லொக்கேஷன்கள் தேடிக் கொடுப்பது இவரது பணி. குரு படத்துக்கே அப்படி என்றால் சொந்தப் படத்துக்கு?

யாரு‌ம் அவ்வளவு எளிதில் நுழைய முடியாத இங்கிலாந்து பார்லிமெண்டில் அனுமதி வாங்கி சில காட்சிகளை எடுத்திருக்கிறாராம் மாதேஷ். அவரது லொக்கேஷன் ஹண்‌ட்டிங் திறமைக்கு இது ஒன்று போதும். அதேபோல் சிவா‌ஜியின் அன்னை இல்லத்திற்குள்ளும் படப்பிடிப்பு நடத்தியிருக்கிறார்.

இமே‌ஜ் இல்லாத ஹீரோதான் இந்த சப்ஜெக்டுக்கு தேவைப்பட்டது. அதனால் வினய்யை தோந்தெடுத்தேன் என்றார். வினயைப் பொறுத்தவரை இது முதல் ஆக்சன் படம்.

ஒரு ஆறுதல் என்னவென்றால் மிரட்டல் என்று பெயர் வைத்திருந்தாலும் இது ஆக்சன் கலந்த காமெடிப் படமாம்.