நான் பிரஸ்மீட்

பாடல்களை வெளியிட்ட கையோடு பத்தி‌ரிகையாளர்களை சந்தித்தார் புது மாப்பிள்ளை... ஸாரி, புது ஹீரோ விஜய் ஆண்டனி.

நான் ஒரு த்‌ரில்லர். இதுதான் எனக்கு செட்டாகும்னு தெ‌ரிந்தே இந்தக் கதையை செலக்ட் செய்தேன் என்றார் விஜய் ஆண்டனி. இந்தப் படம் அவ‌ரின் 25வது படம், இசையமைப்பில்.

நான் மியூஸிக் டைரக்டர்ங்கிறதால எல்லோரும் தில்லானா மோகனம்பாள் மாதி‌ரியான கதையையே சொன்னாங்க. அந்த நேரம் என்னோட ஃப்ரெண்ட் ‌ஜீவா சங்கர் சொன்ன த்‌ரில்லர் பிடிச்சிருந்தது. இதுதான் நம்ம ஏ‌ரியான்னு இறங்கிட்டேன். இந்தப் படத்தை தனது மனைவி பெய‌ரில் விஜ‌ய் ஆண்டனியே தயா‌ரித்துள்ளார்.

‌ஜீவா சங்கர் ஆண்டனியின் நெருங்கிய நண்பர் போலிருக்கிறது. அவ‌ரின் பாடல்கள் பிடிக்கும் ஆனால் பின்னணி இசையில் திருப்தியில்லை. அதனால் இளையராஜா எப்படி பின்னணி அமைப்பாரோ அப்படி வேணும்னு சொன்னேன். எனக்கு முதலில் நம்பிக்கை இல்லாமலிருந்தது. ஆனால் விஜய் ஆண்டனி போட்டிருந்த பின்னணி இசை கேட்டு அசந்துட்டேன் என்றார்.

ஆண்டனிக்கும் ஒரு வருத்தம். மூன்று ஹீரோயின்கள் இருந்தும் ஒரு டூயட்கூட இல்லையாம். குடம் குடமாக தேன் இருந்தும் நாக்கில் தொட்டுப் பார்க்க முடியலைங்கிற உங்க சோகம் பு‌ரியுது பாஸ்.