பிரஸ்மீட் - மணமகள் கோலத்தில் வந்த ஸ்ரேயா

எக்குதப்பாக உடையணியும் ஸ்ரேயா இழுத்துப்போர்த்திய பட்டுப்புடவையில் இளவரசி தோரணையில் வந்தால் எப்படியிருக்கும்? சந்திரா பிரஸ்மீட்டில் ஸ்ரேயாவைப் பார்த்தவர்கள் மயங்கிவிட்டனர். உண்மையிலேயே அழகில் மயங்கித்தான்விட்டனர்.

முதலில் சந்திரா. இது ரூபா ஐயர் இயக்கும் இருமொழிப் படம். ச‌ரித்திரக்கால சம்பவங்கள் இடம்பெறும் இதில் ஸ்ரேயா இளவரசியாக நடிக்கிறார். இரண்டு ஹீரோக்கள். ஒருவர் கன்னட நடிகர் பிரேம். இன்னொருவர் கணேஷ் வெங்கட்ராம். அமெ‌‌ரிக்க என்ஆர்ஐ கேரக்டருக்கு அவர்தான் சாலப்பொருத்தம் என்றார் ரூபா.

விவேக் ராஜ வம்சத்து இளைஞனாக வருகிறாராம். விவேக்கின் சமீபத்திய படங்கள் எதையும் ரூபா பார்க்கவில்லை போலும். பாவம் இந்த விஷயத்தில் இயக்குனருக்கு சறுக்கிவிட்டது. மிட் நைட் சில்ட்ரன்ஸ் ஆங்கிலப் படத்தில் நடிப்பதால் தமிழ்ப் பக்கம் வரமுடியலை என்ற ஸ்ரேயா, அடுத்தவங்க பர்சனல் விஷயத்தில் தலையிடுறது யாராயிருந்தாலும் ச‌ரியில்லை என்றார். தென்னக நடிகைகள் ஓவரா குடிக்கிறாங்க என்று சனாகான் சொல்லியிருக்கிறாரே என்ற கேள்விக்கு ஸ்ரேயா சொன்ன பதில் இது.
ஸ்ரேயா பிரஸ்மீட்