ஆரோகணம் இசை வெளியீடு

பொய் சொல்லப் போறோம் படத்தில் அனைவரையும் கவர்ந்தவர் ஹீரோவின் அம்மாவாக நடித்த லட்சுமி ராமகிருஷ்ணன். அடுத்தடுத்து அம்மா வேடங்களே வந்தாலும் இந்த அழகான அம்மா மட்டும் ரசிகர்களுக்கு சலிக்கவேயில்லை.

பிஸியாக நடித்துக் கொண்டிருந்தவர் ஆரோகணம் என்ற படத்தை இயக்கியிருக்கிறார், அதுவும் 22 நாட்களில். மிக முக்கியமான விஷயம் படத்தின் பட்ஜெட் 35 லட்சங்கள் மட்டுமே.

படத்தின் இசை வெளியீட்டு விழாவில் கலந்து கொண்ட பாலசந்தர், இவ்வளவு குறைவான பட்ஜெட்டில் படமெடுக்க முடியும் என்றால் சும்மாயிருக்கிற நாமும் ஒரு கதை ரெடி செய்து படம் எடுக்கலாமே என்று தோன்றுவதாகக் கூறினார். இந்த விழாவில் பழம் பெரும் இயக்குனர் கே.எஸ்.சேதுமாதவனும் கலந்து கொண்டு பேசினார்.

மிஷ்கின் உள்ளிட்ட இயக்குனர்கள் விழாவில் கலந்து கொண்டனர்.
ஆரோகணம் இசை வெளியீடு