‘துப்பாக்கி’ இசை வெளியீடு

விஜய்-காஜல் அகர்வால் நடிப்பில் பிரமாண்டமாக உருவாகி இருக்கும் திரைப்படம் துப்பாக்கி. ஏ.ஆர்.முருகதாஸ் இயக்குகிறார். ஹாரிஸ் ஜெயராஜ் இசையமைத்துள்ளார். கலைப்புலி தாணு தயாரிக்கிறார். இப்படத்தின் மூலம் விஜய்-ஏ.ஆர்.முருகதாஸ் கூட்டணி முதன் முறையாக இணைந்திருப்பதால் எதிர்பார்ப்பு அதிகரித்துள்ளது. இந்நிலையில் துப்பாக்கி திரைப்படத்தின் ஆடியோ வெளியீட்டு விழா இன்று சென்னையில் உள்ள நட்சத்திர ஓட்டலில் நடந்தது. விழாவில் ஏ.ஆர்.முருகதாஸ் பாடல் சி.டி.யை வெளியிட பிலிம் நியூஸ் ஆனந்தன் பெற்றுக் கொண்டார். 6 வருடங்களுக்குப் பின் இந்தப் படத்துக்காக 'கூகிள் கூகிள்' என்ற பாடலைப் பாடி இருக்கிறார் விஜய். துப்பாக்கி திரைப்படம் பலத்த எதிர்பார்ப்புக்கு இடையே தீபாவளியன்று திரைக்கு வருகிறது.