மீண்டும் பிரம்பு எடுக்கும் ராம்

இயக்குனர் ராம் தமிழாசி‌ரியர் கனவில் வளர்ந்தவராக இருக்க வேண்டும். கற்றது தமிழில் அந்த போடு போட்டவர் தனது இரண்டாவதுப் படத்திலும் எஜுகேஷன் சி‌ஸ்டத்துக்கு எதிராக பிரம்பு எடுத்திருக்கிறார்.

கற்றது தமிழுக்குப் பிறகு ராமுக்கு படம் எதுவும் அமையவில்லை. இவ‌ரின் தாடியையும், தடாலடி பேச்சையும் பார்த்து, ரொம்ப கோவக்காரர் போலிருக்கு என்று தயா‌ரிப்பாளர் யாரும் அண்டவில்லை. கடைசியில் கதை கேட்டு படம் தயா‌ரிக்க ஒத்துக் கொண்டவர் கௌதம் வாசுதேவ மேனன். நடுநிசி நாய்கள் எடுத்தவரை எப்படி ராமால் பயமுறுத்த முடியும்?

தங்க மீன்கள் என்ற அந்தப் படம் முடிந்து தங்க மீன் ஏறக்குறைய கருவாடாகிவிட்டது. இன்னும் ‌ரிலீஸாகவில்லை. ராமே படத்தில் நடித்திருப்பதும் ஒரு காரணமாக இருக்கலாம். ரோகிணி, பத்மப்‌ரியா என மேலும் இரு தெ‌ரிந்த முகங்கள். அப்பாவுக்கும் மகளுக்குமான பாசமே படத்தின் மையம். இதில் நா.முத்துக்குமார் எழுதியிருக்கும் பாடல் ஒன்று குழந்தைகளின் தேசியகீதமாக இருக்கப் போகிறது என்று ராம் தெ‌ரிவித்திருக்கிறார். இந்தப் பாடலில் எஜுகேஷன் சிஸ்டத்தை வா‌ரியிருக்கிறார்களாம்.

எத்தனை கூடை வா‌ரினாலும் எஜுகேஷன் சிஸ்டம் குப்பைத் தொட்டியை க்ளீன் பண்ணவே முடியாது.