அவதாரம் எடுக்கும் நடிகைகள்

ஒளிப்பதிவாளர்கள், இசையமைப்பாளர்கள், நடிகர்கள் இயக்குனராக அவதாரம் எடுப்பது போல்... நடிகைகளும் படம் இயக்க தயாராகி வருகின்றனர். அதிலொருவர் நடிகை ஷகிலா.

வித்யாபாலன் நடித்த ‘டர்ட்டி பிக்சர்' படம் பார்த்து வியந்து போன ஷகிலா... அதே சாயலில் ஒரு கதையை உருவாக்கிப் தானே இயக்கவிருக்கிறார். ஒரு தாயிக்கும் மகளுக்குமான பாசப் போராட்டமும், மகளை வளர்க்க தனி மனுஷிக்கான வேதனைகளை இந்தப் படத்தில் பதிவு செய்யவிருக்கிறாராம். படத்துக்கு ‘ நீலக்குறிஞ்சி பூத்து’ எனப் பெயர் வைத்திருக்கிறார்.

அதே போல இன்னொரு நடிகை, பரபரப்புக்கு பஞ்சமில்லாத நடிகை சோனா. ‘தேவ்’ என்ற தலைப்பில் தயாரித்து இயக்கவுள்ளார். உண்மையான காதலை உலகத்திற்கு எடுத்துச் சொல்லும் கதை. தானே இயக்கினால்தான் சரிவரும் என்பதால், இயக்கத்துக்காக ஒரு பள்ளியில் பயிற்சியும் எடுத்து வருகிறார்.