ராதாரவி - முதல் தென்னிந்திய நடிகர்

வரும் நவம்பர் 12ஆம் தேதி நடிகர் ராதாரவிக்கு மலேசியாவில் டத்தோ பட்டம் வழங்கப்படுகிறது.

மலேசியாவில் வழங்கப்படும் டத்தோ பட்டம் கௌரவமிக்கதாக கருதப்படுகிறது. இந்திய அளவில் நடிகர்களில் ஷாருக்கானுக்கு இந்தப் ப‌ட்டம் வழங்கப்பட்டிருக்கிறது. அதன் பிறகு இப்போது ராதாரவி தேர்வு செய்யப்பட்டிருக்கிறார்.

நடிகர் சங்க பொதுச் செயலாளராகவும், சினிமா தொழிலாளர் சங்க நிர்வாகியாகவும் ராதாரவி பல வருடங்கள் பணியாற்றியிருக்கிறார். அனாதைப் பிணங்களை முறைப்படி இறுதிச் சடங்கு செய்யும் சேவையையும் செய்து வருகிறார். தவிர இது ராதாரவி சினிமாவுக்கு வந்து 38வது வருடம்.

மேலே உள்ள அவ‌ரின் சேவைகளுக்காக மலேசியாவில் உள்ள மலாகா என்ற இடத்தில் நவம்பர் 12ஆம் தேதி டத்தோ பட்டம் வழங்கப்படுகிறது. கௌரவமிக்கப் பட்டம், ராதாரவிக்கு நமது வாழ்த்துகள்.
ராதாரவி, டத்தோ பட்டம், மலேசியா