தீபாவளிக்கு நீர்ப்பறவை - உதயநிதி முடிவு

தீபாவளி நெருங்கும் நேரத்தில் நாம் எதிர்பார்க்காத பல விஷயங்கள் நடக்கும். ஒவ்வொரு தீபாவளிக்கும் பார்த்துக் கொண்டுதான் இருக்கிறோம். பக்காவாக முடிக்கப்பட்ட படங்கள் கடைசி நேரத்தில் தீபாவளி போட்டியிலிருந்து விலகும், எதிர்பார்க்காத படங்கள் கடைசி நேரத்தில் முந்திக் கொள்ளும்.

இந்த தீபாவளிக்கு கும்கி கண்டிப்பாக வெளிவரும் என்றார்கள். இல்லை கும்கி தள்ளிப் போகும் என்று எழுதிய போது அப்படி எழுதியவர்கள் மீது கடுமையாக சாடினார் கும்கியின் தயா‌ரிப்பாளர் லிங்குசாமி. ஆனால் ஊடகங்கள் சொன்னதுதான் நடந்தது, கும்கி வெளியாகப் போவதில்லை.

மன்சூரலிகான் தனது லொள்ளு தாதா பராக் பராக் படத்தை வெளியிட முயன்றார். ஆனால் காலநிலை அவருக்கு சாதகமாக இல்லை.

நீர்ப்பறவை நவம்பர் 23 வெளியாகும் என்று அதிகாரபூர்வமாக அறிவித்திருந்தார்கள். ஆனால் திடீரென்று படம் தீபாவளிக்கு என்று முடிவு செய்திருக்கிறார் உதயநிதி ஸ்டாலின். ஏற்கனவே படத்துக்கு தேவையான பப்ளிசிட்டி இருப்பதால் இந்த திடீர் மாற்றம் அவர்களுக்கு எவ்வித நெருக்கடியும் தரப்போவதில்லை.

துப்பாக்கி, போடா போடி, அம்மாவின் கைப்பேசி, காசி குப்பம், அஜந்தா இப்போது நீர்ப்பறவை....

தீபாவளி களைகட்டிவிட்டது.
தீபாவளி நீர்ப்பறவை உதயநிதி