மலையாளத்தில் செட்டிலான பார்வதி ஓமனக்குட்டன்

பில்லா 2 வில் அறிமுகமான பார்வதி ஓமனக்குட்டனுக்கு அப்படம் நெகடிவ் அறிமுகமாக அமைந்தது. அவ‌ரின் கேரக்டரும், நடிப்பும் அப்படத்தில் மோசமாக அமைந்தன. அதனால் தமிழில் அவருக்கு வேறு படங்கள் கிடைக்கவில்லை.

இந்தியா முழுக்க தெ‌ரிந்த முகமாக இருந்தும் தெலுங்கிலோ, இந்தியிலோ படங்கள் கிடைக்காமல் இறுதியில் தனது தாய் மொழியான மலையாளத்தை தஞ்சமடைந்திருக்கிறார். இது பார்வதியின் கடைசி புகலிடம்.

மலையாள நடிகையாக இருந்தாலும் அசினும், நயன்தாராவும் மலையாளத்தில் நடிக்க தயக்கம் காட்டுகின்றனர். மலையாளத்தில் சம்பளம் மிகக்குறைவு, புகழும் சின்ன வட்டத்திற்குள்தான் கிடைக்கும். இதன் காரணமாகவே அவர்கள் மலையாளத்தில் தொடர்ந்து நடிப்பதில்லை.

வேறு மொழிகளில் வாய்ப்பு கிடைக்காததால் பார்வதி ஓமனக்குட்டன் இந்த சின்ன வட்டத்திற்குள் சிக்குவதென முடிவு செய்திருக்கிறார். தற்போது முஹ என்ற மலையாளப் படத்தில் நடிக்க ஒப்பந்தமாகியுள்ளார். நடிகரும் தயா‌ரிப்பாளருமான பைஜு ஜான்சன் இந்தப் படத்தை தயா‌ரித்து நடிக்கிறார். அவருடன் தமிழ் நடிகர் வெற்றியும் நடிப்பதாக கூறப்படுகிறது.