கும்கிக்கு யு சான்றிதழ்

பிரபுசாலமன் இயக்கத்தில் திருப்பதி பிரதர்ஸ் தயா‌ரித்திருக்கும் கும்கி படத்துக்கு சென்சார் யு சான்றிதழ் வழங்கியுள்ளது.

மைனா படத்துக்குப் பிறகு பிரபுசாலமன் இயக்கியிருக்கும் படம் என்பதுடன் பிரபுவின் மகன் விக்ரம் பிரபு அறிமுகமாகும் படம் என்ற எதிர்பார்ப்பும் கும்கிக்கு உள்ளது. லட்சுமி மேனன் ஹீரோயினாக நடித்துள்ளார். இசை டி.இமான்.

இந்தப் படத்தின் விநியோக உ‌ரிமையை ஞானவேல் ராஜாவின் ஸ்டுடியோ கி‌‌ரீன் வாங்கியுள்ளது. அடுத்த வாரம் படம் திரைக்கு வரவுள்ள நிலையில் படத்தைப் பார்த்த சென்சார் சின்ன கட் கூட இல்லாமல் படத்துக்கு அனைவரும் பார்க்கத் தகுந்த யு சான்றிதழ் வழங்கியுள்ளது.
கும்கி, பிரபுசாலமன், விக்ரம் பிரபு