சுந்தரபாண்டியன் திரைப்படத்துக்கு 'யு' சான்றிதழ்

சசிகுமார் தயாரித்து நடித்து வரும் திரைப்படம் சுந்தரபாண்டியன். படத்தில் சசிகுமாருக்கு ஜோடியாக லட்சுமி மேனன் நடிக்கிறார். பிரபாகரன் இயக்குகிறார். இவர் சசிகுமாரிடம் உதவி இயக்குனராக பணியாற்றிவர். சூரி, விஜய் சேதுபதி, நரேன் உள்ளிட்ட பலர் நடித்துள்ள இந்தப் படம் வரும் 14ம் தேதி திரைக்கு வருகிறது. இதனிடையே சுந்தரபாண்டியன் திரைப்படம் தணிக்கை குழுவுக்கு அனுப்பபட்டது. படத்தை பார்த்த தணிக்கை குழு 'யு' சான்றிதழ் வழங்கியுள்ளது. இதனால் சசிகுமார் மிகவும் திருப்தி அடைந்துள்ளார். மேலும் ஏ சான்றிதழ் பெற்ற திரைப்படங்கள் தொலைக்காட்சியில் ஒளிபரப்ப தடை செய்யப்படும் என்ற விதிமுறையை கண்டு தான் கவலையடையவில்லை எனவும் கூறினார்.