அமாவாசை திதியில் குழந்தை பிறந்துள்ளது. ஆயுள் குறைவு என்கிறார்கள். பயமாக இருக்கிறது. பரிகாரம் ஏதேனும் உண்டா?

‘அமாவாஸ்யா ஸுபகா ஸுஸேவா’ என்று வேதமே அமாவாசையை நிறைந்த நாள் என்று போற்றுகிறது. இது தெரியாமல் சிலர் கிளப்பிவிடும் அனாவசிய பயமுறுத்தல் வார்த்தைகளை நம்பாதீர்கள்.

எத்தனை பெரிய ஜோதிடராக இருந்தாலும் சரி, ‘இவருக்கு ஆயுள் குறைவு’ என்று சொல்ல அவருக்கு அதிகாரமில்லை. சொல்லவும் கூடாது. மகான்கள், எப்பொழுதும் யாரையுமே, ‘நீங்கள் சீக்கிரம் மறைந்துவிடுவீர்கள்’ என்று சொன்னதில்லை.

அதனால், குழந்தைக்கு தர்ம சாஸ்திரப்படி என்ன பெயர் வைக்க வேண்டும்; எந்த ஹோமத்தை நிகழ்த்த வேண்டும் என்று வேதமறிந்த ஆன்றோர்களைக் கேட்டுத் தெரிந்துகொண்டு அதன்படியே செய்யுங்கள்.

குழந்தை நீடித்த ஆயுளுடன் வாழும்; நீங்களும் ஆனந்தமடைவீர்கள். எதற்காகவும் பயப்பட வேண்டாம்.