எங்களுக்கு பெரிய மனக்கஷ்டம் உள்ளது. சொந்த, பந்தம் மற்றும் அண்டை வீட்டாரால் விலக்கப்பட்டு எதிர்கால பயத்துடன் வாழ்க்கை நடத்துகிறேன். வியாபாரமும் சரியில்லை. வசிக்கும் வீட்டில் ஏதேனும் தோஷமா? கடன் வேறு அதிகமாக உள்ளது. நான் செய்ய வேண்டியது என்ன?

உங்கள் வீட்டிற்கு அருகிலுள்ள ஏதேனும் ஒரு கோயிலுக்கு தினமும் காலையில் குளித்துவிட்டு சென்று வருவது என்ற பழக்கத்தை வைத்துக் கொள்ளுங்கள்.

ஒட்டுமொத்தமாக எனக்கு எதுவுமே சரியில்லை எனும் எண்ணங்களை வளர்த்துக் கொள்ளாதீர்கள். அதனால், சந்தோஷம் வந்தால் கூட தெரியாமலே சென்று விடும். தொடர்ந்து இறை தரிசனம் செய்வது மனதை பக்குவப்படுத்தும்.

வெள்ளி, செவ்வாய்க்கிழமைகளில் வீடு முழுவதும் சாம்பிராணி போடுங்கள். எந்நேரமும் எரியும்படி பூஜை அறையில் நெய் விளக்கு ஏற்றி வையுங்கள்.

தினசரி காலையில் சூரியன் உதய நேரத்திலிருந்து 8 மணிக்குள் இந்த ஸ்தோத்திரத்தை சொல்லி 28 தடவை நமஸ்காரம் செய்யுங்கள். பவழ மாலை அணியுங்கள். தீய சக்திகள் விலகி மகிழ்ச்சி பொங்க வாழ்வீர்கள்.

பானோ பாஸ்கர! மார்த்தாண்ட!
சண்டரச்மே! திவாகர!
ஆயுராரோக்ய மைச்வர்யம்
ச்ரியம் புஷ்டிம்ச தேஹிமே!