எனது கணவர் கைநிறைய சம்பாதித்தும் கடன் தொல்லை மிக அதிகம். உறவினர்கள் உதாசீனப்படுத்துகிறார்கள். காரை விற்றுவிட்டோம். வீடு ஏலம் போகும் நிலையில் உள்ளது. எங்களுக்கு ஏதேனும் வழி சொல்லுங்கள்.

தன்னிச்சையை அடக்காவிட்டால் அது தன்னையே ஆளும். தற்சமயம் யாருடைய தவறான வழிகாட்டலுக்கும் தலையசைக்காமல் இருப்பது நல்லது. நல்ல நேரத்தில் சந்தோஷப்படுவதுபோல, கெட்ட நேரத்தில் அமைதியாக இருத்தல் நல்லது.

உடனடியாக என்ன செய்தால் பிரச்னைகளிலிருந்து வெளியே வரலாம் என்று யோசியுங்கள். உங்களுக்கு ராகு லாப வீட்டில் தொடர்வதால் நிச்சயம் எதிர்பாராத பணவரவு உண்டு.

புலங்கள் திகைக்க யானும்
திகைத்து இங்கு ஓர்
பொய்நெறிக்கே விளங்குகின்றேனே
விடுதி கண்டாய்
விண்ணும் மண்ணும் எல்லாம்
கலங்க முன்னீர்! நஞ்சு
அமுதுசெய்தாய் துலங்குகின்றேன்
அடியேன் கருணாகரனே
உடையாய் என் தொழ குலமே! என்ற திருவாசகப் பாடலையும்; ‘கதம் நஷ்டம் வித்தம் ப்ராபய ப்ராபய’ என்ற ஸ்லோகத்தையும் சிவன் கோயிலில் அமர்ந்து 108 முறை சொல்லுங்கள். வாழ்க்கை ஏற்றம் பெறும்.