என் மகள் பி.இ. கம்ப்யூட்டர் சயின்ஸ் இரண்டாம் ஆண்டு படிக்கிறாள். நன்கு படித்தும் மார்க் குறைவாக எடுக்கிறாள். என் கணவர் எலக்ட்ரீஷியனாக வேலை செய்கிறார். கஷ்டத்துடன்தான் படிக்க வைக்கிறோம். அவள் படித்து முன்னேற பரிகாரம் சொல்லுங்கள்.

உங்கள் மகளுக்கு ஜென்மச் சனி தொடர்வதால் ஞாபக மறதி உண்டாகிறது. அதிகாலையில் எழுந்து படிக்கும் பழக்கத்தை உருவாக்குங்கள். மாலை நேர வெயிலில் விளையாடச் செய்யுங்கள்.

இரவில் கொஞ்ச நேரமாவது சந்திரனின் ஒளிபடுமாறு இருக்கச் செய்யுங்கள். ஏனெனில் சந்திரன்தான் மனதிற்கு அதிபதி. அதனால் படித்தவை மறக்காது என்ற மன உறுதி ஏற்படும்.

மாதத்தில் திங்கள், செவ்வாய், வெள்ளி மற்றும் பௌர்ணமி நாட்களில் வீட்டில் கணபதிக்கு பன்னீருடன் பச்சைக் கற்பூரம் குழைத்து அபிஷேகம் செய்யுங்கள். செந்தூரம் சாத்தி வணங்குங்கள்.

புத்தியில் பிரகாசம் கூடும்; புத்தியை மறைக்கும் தீய சக்தி விலகும்.