நாங்கள் காலிமனை வாங்கியுள்ளோம். 60 அடி நீளம் கொண்டது. மனைக்கு கிழக்கு, வடக்கு, தெற்கு மூன்று இடங்களிலும் சாலை அமைந்துள்ளது. மேற்குப் பகுதியில் சாலை இல்லாததால் குத்தலாக அமைந்திருக்கிறது. வீடு கட்டலாமா? இல்லையெனில், பரிகாரம் ஏதேனும் உள்ளதா?

வீட்டின் நீளம், அகலத்தைவிட அதிகமாக இருந்தால் நன்மை உண்டாகும். சமையல் அறை தென் மேற்கிலோ, வட கிழக்கிலோ வேண்டாம். அக்னி மூலையில் இருப்பது மிகவும் நல்லது.

துளசி, பலா, தென்னை, வேம்பு, வில்வம், மாமரம் என்று ஏதேனும் ஒன்றை வீட்டின் சுற்றுப்புறத்தில் வைக்க, வாழ்க்கைத் தரம் உயரும். தலைவாசல் நிலைக் கதவுக்கு எதிரில் ரோடு இணைவது மட்டும் கூடாது.

இறைவனின் படங்களை பலருடன் உட்கார்ந்து பேசும் ஹாலில் மாட்டுங்கள். நல்வாழ்வு பெறுவீர்கள். வீடு கட்ட வேண்டிய தேதியை ஜோதிடரிடம் கலந்து ஆலோசித்து நல்ல நாள், நேரம் பார்த்து அறிந்து கொள்ளுங்கள்.