எனது மகனுக்கு வயது 16. அவன் நன்றாகப் படிக்க வேண்டும். என்ன படித்தால் சிறந்தவனாக வருவான்; அவன் எதிர்காலம் நன்கு அமைய பரிகாரங்கள் என்ன?

உங்கள் மகன் மார்கழியில் பிறந்துள்ளான். சூரியன், குரு அமைப்பு பலமாக இருக்கிறது. கற்பனைத் திறனும், துணிச்சலும் கூடிய காரியங்களில் ஊக்கத்துடன் ஈடுபட்டு அனைவரையும் கவர்வான். அரசு நிர்வாகம் சார்ந்த படிப்பில் ஈடுபடுவான்.

அரசு வேலையில் உயர்ந்த பதவியை அடைவான். உங்கள் மகன் நன்றாகப் படித்து விரும்பிய வேலையில் அமர்வதற்கு கீழ்க்கண்டவற்றை செய்யவும்.

முழுப் பயறு, பச்சை கலர் வஸ்திரம், ஒரு கட்டு துளசி, கற்பூரம், மருக்கொழுந்து, நாயுருவி குச்சி இவற்றைச் சேர்த்துக் கட்டி அவன் கையில் கொடுத்து, கீழ்க்காணும் ஸ்லோகத்தை 25 தடவை சொல்லி முடித்து, நவகிரகங்கள் சந்நதி உள்ள கோயில் அர்ச்சகரிடம் கொடுங்கள்.

அதை புதன் கிரகத்தின் பாதத்தில் வைக்கச் சொல்லுங்கள். பிறகு அர்ச்சகருக்கு அதை தானமாகக் கொடுத்து விடுங்கள்.

சாம்பேய புஷ்ப ஸங்காசம்
விசுத்த கனகப்ரபம்/
பூஜயாமி மகா ஸௌம்யம்
புதம் வித்யா ப்ரதாயகம்!