பெண்களுக்கான எளிய பயிற்சி

பெண்கள் ஆரோக்கியமாக வாழ்வது ரொம்ப சிம்பிள். வீட்டில் எவ்வளவுதான் வேலைகள் இருந்தாலும், அந்த வேலைகளை கவனித்துவிட்டு வேகவேகமாக அலுவலகத்திற்கு ஓடினாலும் பெண்களால் ஆரோக்கியத்தை கவனித்துக்கொள்ள முடியும். அதற்கு தினமும் வெறும் 30 நிமிடங்கள் போதுமானது. இந்த அரை மணி நேர ஆரோக்கிய மந்திரத்தை செயல்படுத்த ஜிம்முக்கு போய்தான் ஆகவேண்டும் என்றில்லை. வீட்டிலேயே செய்து முடித்துவிடலாம்.

* அலுவலகத்திற்கோ, கடைகளுக்கோ செல்லும்போது குறுகிய தூரமே இருந்தால் அதற்கு வாகனப் பயணம் அவசியம் இல்லை. நடந்தே செல்லுங்கள். நடந்து சென்றால் தன்னை வசதி குறைந்தவர் என்று யாராவது கருதிவிடுவார்கள் என்ற தப்பான கண்ணோட்டத்தில் இருந்து விடுபடுங்கள்.

* ஸ்கிப்பிங் பெண்களுக்கு ஏற்ற நல்ல உடற்பயிற்சி. வீட்டிலே அதை செய்யலாம். நீங்கள் விரும்பும் சவுகரியமான உடையில் அதை செய்யலாம். ஒரு சில நாட்கள் தடுமாறினாலும், பின்பு அது உங்களுக்கு பிடித்தமானதாகிவிடும். அடிக்கடி துள்ளுவது, அன்று முழுவதும் உங்களை உற்சாக துள்ளல்போடவைக்கும். அந்த உற்சாகத்துக்கு ஆசைப்பட்டு தினமும் ஸ்கிப்பிங் ஆடுவீர்கள். அது உங்களை ஆரோக்கியத்தின் பாதைக்கு அழைத்துச் சென்று விடும்.

* கர்ப்பிணிகள் டாக்டரின் ஆலோசனைப்படி, அதிக சிரமம் இல்லாத உடற்பயிற்சிகளை செய்யலாம். அவர்கள் நடந்தால் தசை வலுப்பெறும். அவர்கள் மிதமான உடற்பயிற்சிகளை செய்வதே நல்லது.

* தினமும் உடற்பயிற்சி செய்ய முடியாத பெண்கள், வாரத்தில் நான்கு, ஐந்து நாட்களாவது பயிற்சியை மேற்கொள்ளவேண்டும். மாதத்தில் இருபது நாட்களாவது பயிற்சி செய்தால்தான் உங்களிடம் ஆரோக்கியமான மாறுதல் ஏற்படும்.