வாழைத்தண்டு, பாசிப்பருப்பு கூட்டு

தேவையான பொருட்கள்:

பாசிப்பருப்பு – அரை கப்
வாழைத்தண்டு-ஒன்று
வெங்காயம் - 50 கி
பச்சை மிளகாய் – 3
காய்ச்சிய பால் – கால் கப்,
சீரகம் – அரை ஸ்பூன்
பூண்டு – 2 பல்
கறிவேப்பிலை – சிறிதளவு
உப்பு – தேவையான அளவு.

செய்முறை:

* முதலில் பாசிப்பருப்பை நன்கு வேக வைத்துக் கொள்ளவும்.

* பூண்டை நசுக்கிக் கொள்ளவும்.வெங்காயத்தை பொடியாக நறுக்கிக் கொள்ளவும்.

* வாழைத்தண்டை நார் நீக்கி, பொடியாக நறுக்கிக் கொள்ளவும். பச்சை மிளகாயை கீறிக் கொள்ளவும்.

* நறுக்கிய வாழைத்தண்டுடன், வெங்காயம், கீறிய பச்சை மிளகாய், தேவையான அளவு உப்பு, ஒரு கப் தண்ணீர் ஊற்றி குக்கரில் போட்டு, 2 விசில் வந்ததும் இறக்கவும்.

* ஆறியதும் திறந்து, அதனுடன் வேக வைத்த பாசிப்பருப்பு சேர்த்து, சில நிமிடங்கள் கொதிக்க விடவும்.

* பிறகு, நசுக்கிய பூண்டு, சீரகம், கறிவேப்பிலை, பால் சேர்த்துக் கிளறி பரிமாறவும்.