வாழைத்தண்டு பாசிப்பருப்பு சாலட்

தேவையான பொருட்கள்:

வாழைத்தண்டு - 1/2 கப்
எலுமிச்சை சாறு - 1 ஸ்பூன்
முளைகட்டிய பாசிப்பருப்பு - 1/2 கப்
ப.மிளகாய் - 2
மிளகு தூள் - 1 ஸ்பூன்
சின்ன வெங்காயம் - 50 கி
தேங்காய் துருவல் - சிறிதளவு
உப்பு - தேவையான அளவு

செய்முறை:

* வாழைத்தண்டை பொடியாக நறுக்கி எலுமிச்சை சாறு கலந்த நீரில் போட்டு வைக்கவும்.

* ப.மிளகாய், சின்ன வெங்காயத்தை பொடியாக நறுக்கிக்கொள்ளவும்.

* ஒரு பாத்திரத்தில் பொடியாக நறுக்கிய வெங்காயம், தேங்காய் துருவல்,ப.மிளகாய், மிளகு தூள், முளைகட்டிய பாசிப்பருப்பு, தேவையான அளவு உப்பு சேர்த்து அதனுடன் வாழைத்தண்டை பிழிந்து எடுத்து சேர்க்கவும்.

* பின் அதனுடன் எலுமிச்சை சாறுகலந்து பரிமாறவும்.

* சுவையான, ஆரோக்கியமான வாழைத்தண்டு பாசிப்பருப்பு சாலட் ரெடி.