ஓட்ஸ் கிச்சடி ஓட்ஸ் கிச்சடி

ஓட்ஸ்-2 கப்
பச்சைப்பட்டாணி_ஒரு கைப்பிடி
கேரட்_1/4 பாகம்
பீன்ஸ்_5
சின்ன வெங்காயம்_ 10
தக்காளி_பாதி
இஞ்சி_ஒரு சிறிய துண்டு
பூண்டு_2 பற்கள்
பச்சை மிளகாய்_2
மஞ்சள் தூள்_சிறிது
உப்பு_தேவைக்கு
கொத்துமல்லி இலை_ஒரு கொத்து
எலுமிச்சை சாறு_1/2 டீஸ்பூன்

தாளிக்க:

நல்லெண்ணெய்_2 டீஸ்பூன்
கடுகு உளுந்து
கடலைப் பருப்பு
சீரகம்
காய்ந்த மிளகாய்_1
பெருங்காயம்
கிராம்பு_2
பிரிஞ்சி இலை_2
கறிவேப்பிலை

செய்முறை:

* பச்சைபட்டாணியை முதல் நாள் இரவே ஊறவைத்து எடுத்துக்கொள்ளவும்.

* வெங்காயம்,பச்சை மிளகாய்,தக்காளி,கேரட்,பீன்ஸ் இவற்றை சிறுசிறு நீளத்துண்டுகளாக நறுக்கி வைக்கவும்.

* இஞ்சி,பூண்டு தட்டி வைக்கவும்.

*
வெறும் வாணலியில் ஓட்ஸைக் கொட்டி சூடு வர வறுத்து ஆறியதும் மிக்ஸியில்
போட்டு ஒரு சுற்று சுற்றினால் ஒன்றும் பாதியுமாக உடைந்துவிடும். அல்லது
அப்படியேகூட பயன்படுத்தலாம்.

* வாணலியை அடுப்பில்
வைத்து எண்ணெய் விட்டு சூடேறியதும் தாளிக்கக் கொடுத்துள்ளப் பொருள்களை
ஒன்றன்பின் ஒன்றாகத் தாளித்துவிட்டு வெங்காயம், பச்சைமிளகாய், இஞ்சி
பூண்டு, தக்காளி இவற்றை அடுத்தடுத்து சேர்த்து வதக்கவும்.

*
அடுத்து கேரட், பீன்ஸ், பட்டாணி சேர்த்து வதக்கவும்.நன்றாக வதங்கியதும்
ஒன்றுக்கு இரண்டு பங்கு என தண்ணீர் விட்டு,உப்பு,மஞ்சள் தூள் போட்டு கொதி
வரும் வரை மூடி வைக்கவும்.

* கொதி வந்ததும் ஓட்ஸைப் போட்டுக் கட்டி தட்டாமல் கிளறவும். ஓட்ஸ் வெந்து வரும் வரை மிதமானத் தீயில் மூடி வேக வைக்கவும்.

* நன்றாக வெந்ததும் எலுமிச்சை சாறு விட்டுக் கிளறி,கொத்துமல்லி தூவி இறக்கவும்.