பாகற்காய் பச்சடி சாப்பிட்டுப் பாருங்க

தேவையான பொருட்கள்

பெரிய வெங்காயம்-1

பாகற்காய்-கால் கிலோ

புளி-எலுமிச்சை காய் அளவு (கரைத்து வைத்து கொள்ளவும்)

வெல்லம்-தேவையான அளவு

மிளகாய் தூள்-அரை ஸ்பூன்

மஞ்சள் தூள்-அரை டீஸ்பூன்

உப்பு-தேவையான அளவு

எண்ணெய்-தேவையான அளவு

செய்முறை

முதலில் வெங்காயத்தையும்,பாகற்காயும் பொடியாக நறுக்கிக் கொள்ளவும்.பின்பு பாகற்காயுடன்,மஞ்சள் தூள்,உப்பு சேர்த்து பத்து நிமிடம் ஊறவைக்கவும். கடாயில் எண்ணெய் ஊற்றி வெங்காயத்தை பொன் நிறம் வரும் வரை வதக்கி கொள்ளவும். பின்பு பாகற்காயை போட்டு நன்கு வதக்கிக் கொள்ளவும்.

பாகற்காய் நன்கு வதங்கிய பின்னர், அரை டீஸ்பூன் மிளகாய் தூள் போட்டு மேலும் சிறிது வதக்கிய பின்பு கரைத்து வைத்து இருக்கும் புளி தண்ணீரை சேர்த்து கொள்ளவும்.பச்சை வாசனை போன பின்பு இறக்கவும்.இந்த மிதமான சூட்டில் பொடித்து வைத்துள்ள எள்ளை போட்டு கிளறிய பின்பு தேவையான அளவு வெல்லம் போட்டு பரிமாறலாம்.இப்போது சுவையான பாகற்காய் பச்சடி ரெடி.