பாகற்காய் பச்சடி

தேவையான பொருட்கள்:

பாகற்காய் (நீள வகை) – 2
புளி – ஒரு சிறு எலுமிச்சம்பழ அளவு
தக்காளி – 2 (நடுத்தர அளவு)
வெல்லம்பொடி செய்தது – 1/2 கப்
மிளகாய்த்தூள் ‍- 1 டீஸ்பூன்
மஞ்சள் தூள் – 1/4 டீஸ்பூன்
பெருங்காயத்தூள் ‍- 1/4 டீஸ்பூன்
நல்லெண்ணெய் – 1 டேபிள்ஸ்பூன்
கடுகு ‍- 1/2 டீஸ்பூன்
சீரகம் ‍- 1 டீஸ்பூன்
வெந்தயம் ‍- 1/2 டீஸ்பூன்
கறிவேப்பிலை – சிறிது
உப்பு – 1 டீஸ்பூன் அல்லது தேவைக்கேற்றவாறு
செய்முறை:

புளியைத் தண்ணீரில் ஊறவைத்து, கெட்டியாகக் கரைத்து ஒரு கப் அளவிற்கு எடுத்துக் கொள்ளவும்.
தக்காளியைத் துண்டுகளாக்கி, நன்றாக அரைத்துக் கொள்ளவும்.
பாகற்காயை, விதையை நீக்கி விட்டு சிறு துண்டுகளாக நறுக்கிக் கொள்ளவும்.
நறுக்கியத் துண்டுகளை ஒரு பாத்திரத்தில் போட்டு, 1/2 கப் தண்ணீரை விட்டு வேக விடவும். வெந்தவுடன், அதில் புளித்தண்ணீர், தக்காளிச்சாறு, மிளகாய்த்தூள்,மஞ்சள் தூள், உப்பு ஆகியவற்றைச் சேர்க்கவும். நன்றாகக் கிளறி, மூடி வைத்து, கொதிக்க விடவும்.
ஒரு வாணலியில் எண்ணை விட்டு, சூடானவுடன், கடுகு, சீரகம், வெந்தயம், பெருங்காயம், கறிவேப்பிலை, தாளித்து, அதில் கொதிக்கும் பாகற்காய் கலவையைக் கொட்டி கலக்கவும். வெல்லப் பொடியைச் சேர்த்துக் கிளறி விட்டு, சிறு தீயில் வைக்கவும். வெல்லம் கரைந்து, பச்சடி திக்கானவுடன், இறக்கி வைக்கவும்.
ரசம் சாதம், தயிர் சாதம் ஆகியவற்றுடன் தொட்டுக் கொள்ள சுவையாக இருக்கும்.