துபாயில் அஜித்தின் வலை.

துபாயில் அஜித் நடிப்பில் உருவாகி வரும் வலை படத்தின் படப்பிடிப்பு 20 நாட்கள் நடக்க உள்ளது.

பில்லா-2 திரைப்படத்துக்குப் பின், விஷ்ணுவர்த்தன் இயக்கும் வலை படத்தில் நடித்து வருகிறார் அஜித்.

யுவன் சங்கர் ராஜா இசையமைக்க ஆர்யா, நயன்தாரா, ராணா, டாப்ஸி உள்பட பலர் நடிக்கின்றனர்.

மும்பை உள்ளிட்ட பல பகுதிகளில் இதன் படப்பிடிப்பு தொடர்ந்து நடந்து வருகிறது.

இந்நிலையில் வரும் 8ம் திகதி துபாய் சென்று சில ஆக்ஷன் காட்சிகளை எடுக்கிறார்கள். இதற்காக சுமார் 20 நாட்கள் அங்கு முகாமிட்டு படப்பிடிப்பை நடத்த இருக்கின்றனர்.

கார் சேஸிங் காட்சியின் போது அஜீத் காயமடைந்த வீடியோவை அதிகாரப்பூர்வமாக வெளியிட்ட படக்குழு படத் தலைப்பு மற்றும் ஸ்டில்ஸ் பற்றிய விவரங்களை இதுவரை வெளியிடவில்லை.

இதனால் படம் குறித்த ஒரு வித எதிர்பார்ப்பு ரசிகர்களிடையே காணப்படுகிறது.