கூட்டிக் கழிச்சுப் பார்த்தா கணக்கு ரஜினி படம்னு வருது!

ஏஜிஎஸ் நிறுவனம் 6 படங்களை ஒரே நேரத்தில் தயாரிப்பது குறித்த செய்தியை வெளியிட்டிருந்தோம். அதில் 5 படங்களின் பெயர்களை வெளியிட்ட ஏஜிஎஸ் நிறுவனம், 6 வது படம் என்னவென்று பிறகு சொல்வதாகக் குறிப்பிட்டிருந்தது. இந்த 6வது படம் மிகப் பிரமாண்டமாக தயாராகப் போகிறது என்றும் அறிவித்திருந்தனர். ரொம்ப நாட்களாகவே, ரஜினி நடிக்கும் படத்தை ஏஜிஎஸ் நிறுவனம் தயாரிக்கப் போவதாக செய்தி வருவதும், அதை மழுப்பலாக மறுப்பதுமாக தொடர்ந்து கொண்டிருக்கிறது.

இந்த நிலையில் ஏஜிஎஸ் தயாரிக்கும் படங்களில் ஒன்று ரஜினியின் மூத்த மகள் ஐஸ்வர்யா இயக்குகிறார். அதில் கவுதம் கார்த்தி நடிக்கிறார். இந்தப் படத்தை ஐஸ்வர்யாவுக்குக் கொடுத்ததே, ரஜினி படத்தைத் தயாரிக்கும் வாய்ப்பைப் பெறத்தான் என்கிறார்கள். அதற்கேற்ப, ஐஸ்வர்யா இயக்கும் படத்தை அறிவித்த கையோடு, அடுத்து ஒரு மெகா படம் தயாரிப்போம் என ஏஜிஎஸ் அறிவித்துள்ளது. அந்தப் படத்தின் ஹீரோ ரஜினிதான் என்பது இப்போது கிட்டத்தட்ட உறுதியாகியிருக்கிறது!