எஸ்.ஜே.சூர்யா - புலி வருது...

எஸ்.ஜே.சூர்யாவின் சமீபத்திய செயல்பாடுகள் கிலி வரவழைப்பதாக உள்ளது. நீண்ட இடைவெளிக்குப் பிறகு நீண்ட தலைமுடியுடன் இசை என்ற படத்தில் நடிக்கிறார். இயக்கத்துடன் இசையையும் கேப்சர் செய்திருப்பது முதல் கிலி.

இந்தப் படத்துக்குப் பிறகு தெலுங்கில் பவன் கல்யாணை வைத்து இயக்கிய கொமரம் புலியை தமிழில் ரீமேக் செய்கிறாராம். கொமரம் புலி தெலுங்கின் டாப் 5 ப்ளாப்களில் ஒன்று. இந்தப் படத்தை ஏழுமலை, சித்ரா என்ற பெய‌ரில் ‌ரீமேக் செய்கிறாராம். இதிலும் இவர்தான் ஹீரோ.

இந்த இரு படங்களுக்குப் பிறகு புலி என்ற பெய‌ரில் ஒரு படத்தை எடுக்கயிருக்கிறாராம். எதிர்காலத்துக்கு பிளானிங் போடுவதில் சூர்யாவை அடிக்கவே முடியாது போலிருக்கிறது.

தலைவா... முதல்ல இசை வரட்டும். அப்புறம் பார்க்கலாம் புலியை.