0 0 0 ரீமேக்கில் நடிக்கும் கவுதம் கார்த்திக்

கார்த்திக் மகன் கவுதம் ரீமேக் படத்தில் நடிக்கிறார்.மணிரத்னம் இயக்கிய ‘கடல் படத்தில் அறிமுகமானவர் கார்த்திக் மகன் கவுதம். அடுத்து இவர் நடிக்கும் படத்திற்கான ஸ்கிரிப்ட் கேட்டு வந்தார். பல ஸ்கிரிப்ட் கேட்டதில் தெலுங்கில் வெளியாகி வெற்றி பெற்ற ‘அல மோடலயிந்தி’ என்ற படத்தின் தமிழ் ரீமேக்கில் நடிக்க ஒப்புக்கொண்டிருக்கிறார். ‘நான் ஈ’ படத்தில் நடித்த நானி, நித்யா மேனன் இதில் நடித்திருந்தனர்.

கடந்த 30 வருடங்களாக தென்னிந்திய திரைப்பட துறையில் ஷூட்டிங் உபகரணங்கள், பிலிம் மற்றும் டிஜிட்டல் கருவிகளை வழங்கி வரும் ரவி பிரசாத் அவுட்டோர் யூனிட் சார்பில் ரவி பிரசாத் புரொடக்ஷன் முதன்முறையாக இப்படத்தை தயாரிக்கிறது. இதன் ஷூட்டிங் விரைவில் தொடங்கி மைசூர், ஐதராபாத் மற்றும் வெளிநாடுகளில் நடக்க உள்ளது. ரவி தியாகராஜன் டைரக்ஷன். டி.இமான் இசை. பி.ரவிகுமார், பி.வி.பிரசாத் தயாரிப்பு.