இந்தியில் டப்பிங் பேசி வரும் தனுஷ்!

தமிழில் முன்னணி நடிகராக திகழும் தனுஷ், முதன்முறையாக ரஞ்சனா என்ற இந்தி படத்தில் நடிக்கிறார். ஏ.ஆர்.ரகுமான் இசையமைக்கும் இப்படத்தை ஆனந்தராய் என்பவர் இயக்குகிறார். தனுசுக்கு ஜோடியாக சோனம்கபூர் நடிக்கிறார். 3 படத்தில் பள்ளி மாணவராக நடித்திருந்தார் தனுஷ். அதேபோன்று இப்படத்திலும் 17 வயது பள்ளி மாணவ-மாணவியாக தனுசும், சோனம்கபூரும் நடித்துள்ளார்களாம்.

இப்படத்துக்கு தனுசுக்கு வேறு யாரையாவது வைத்து டப்பிங் கொடுக்கலாம் என்று யோசித்தபோது, நானே பேசுகிறேன் என்று சொன்னாராம் தனுஷ். அதனால் ஓரளவு இந்தி பேசத்தெரிந்த தனுஷ், அவற்றை தமிழில் எழுதி வைத்துக்கொண்டு தற்போது மும்பையில் டப்பிங் பேசி வருகிறார். விரைவில் ட்ரெயவர் வெளியாக உள்ள இப்படத்தை ஜூன் மாதம் இறுதியில் திரைக்கு கொண்டு வர திட்டமிட்டுள்ளார்களாம்.